(1 Die öffentliche Zession des spanischen Reiches an Erzherzog Karl)

Nos LEOPOLDUS Divinâ favente Clementiâ Electus Romanorum Imperator, semper Augustus, ac Germaniæ, Hungariæ, Bohemiæ, Dalmatiæ, Croatiæ, Sclavoniæ etc: Rex, Archidux Austriæ, Dux Burgundiæ, Brabantiæ, Styriæ, Carinthiæ, Carnioliæ, Lucemburgi, ac Superioris et Inferioris Silesiæ, Wirtembergæ et Teckæ, Princeps Sueviæ, Marchio Sacri Romani Imperij, Burgoviæ, Moraviæ, Superioris et Inferioris Lusatiæ, Comes Habspurgi, Tyrolis, Feretis, Kyburgi, et Goritiæ, Landgravius Alsatiæ, Dominus Marchiæ Sclavonicæ, Portùs Naonis et Salinarum. Notum testatúmque facimus:

       [1.]      Cùm per mortem pientiβimæ memoriæ Serenissimi quondam et Potentiβimi Principis, Domini Caroli secundi Hispaniarum et Indiarum Regis, Fratris et Nepotis Nostri charissimi omnia ab Illo poβeβa Regna et ditiones ad Nos hæreditario jure pervenerint;  Nos tamen seriò perpendiβe. . . . . .

(Als Gründe werden nun ausführlich angegeben: 1. Alle Länder der Dynastie können nicht von einem Fürsten regiert werden; 2. Weder Leopold noch Joseph, „welchem als dem nach Uns Nächstberechtigten die Universalnachfolge nach Uns gebührt“, („ad quem post Nos omnis successio Nostra primo iure pertinet,“) können nach Spanien reisen, das seinen König dringend nötig hat; 3. Karl ist nach Alter und Geistesgaben zur Regierung der „ihm von Gott anvertrauten Völker“ schon tauglich; 4. Joseph hält Karls Vorteil für den eigenen; 5. Europa und Spanien wünschen Karl Einsetzung.)

       [2.]      His igitur alijsque permoti graviβimis rationibus, in Nomine Sacro Sanctæ et individuæ Trinitatis, consentiente, adstipulante et promovente dilectissimo filio Nostro Primogenito Serenissimo Romanorum et Hungariæ Rege Josepho, ceβimus et aβignavimus, cedimus et assignamus virtute præsentium literarum omni meliore modo et quàm firmissimè id fieri possit, eidem Filio Nostro Secundogenito Serenissimo Archiduci Carolo eiúsque Posteris ex legitimo matrimonio nascituris, non qualitercúnque legitimatis aut legitimandis, universam Monarchiam Hispanicam omniáque ad eam pertinentia ubicúnque sita Regna et Provincias, unâque Belgium, quod Catholicum audit et ad Serenissimam Domum Nostram Austriacam antiquo jure spectat, illíque et illis plenam et absolutam suo Nomine omnes hásce Ditiones adipiscendi, possidendi, regendi et gubernandi tribuimus facultatem, eâ planè ratione ijsque titulis et prærogativis, quibus defunctus Rex Carolus secundus eas possedit, tenuit, rexit et gubernavit, aut possidere, regere et gubernare potuit aut debuit, Nósque ipsi aut dilectiβimus Filius noster primogenitus potuiβemus aut debuiβemus,

       [3.]      salvo semper evenientibus casibus totius Serenissimæ Domûs  Nostræ successionis jure et ordine, observatis quóque ubivis cuiúsque Populi Privilegiis, quæ illibata penitus quibusvis cupimus.

       [4.]      Reservamus etiam Nobis et Succeβoribus Nostris Romanorum Imperatoribus et Regibus, Sacróque Romano Imperio omnia Imperii Jura in illas provincias, quas præcedentes Reges Hispaniæ sub quâcunque qualitate ab Imperio acceperunt, et sub Imperio possederunt, Filiúsque Noster Serenissimus Rex Carolus tertius accipiet et possidebit, non secus ac si speciatim, hìc singula expreβa fuiβent, quáeque adeò Idem conservare et suo quævis loco et tempore in effectum deducere omniò tenebitur.

       [5.]      Volumus similiter et eam porrò huic ceβioni seu translationi conditionem dicimus, ut Filius Noster chariβimus Sereniβimus Rex Carolus tertius omnes conventiones ratas habeat, atque iam ratas habuiβe censeri debeat, quas ad vindicandam et in Illum transferendam Hispanicam successionem fecimus seu inivimus, et ad eas implendas suo se nomine disertè obstringat ac jam obligatus censeatur, fidémque à Nobis datam reâpβe liberet, atque Nos Filiúmque Nostrum Regem Romanorum Josephum et illius Posteros eâ de causâ securos et indemnes præstet, perinde ac si omnes istæ conventiones et præstationes hìc sigillatim descriptæ essent.

       [6.]      In horum omnium testimonium et majus robur Nos unâ cum Filio nostro dilectissimo Sereniβimo Romanorum Rege Josepho non tantùm præsentes has literas manibus nostris subscriptas sigillis nostris munivimus et chariβimo Filio nostro sereniβimo Regi Carolo tertio Hispaniarum et Indiarum tradidimus, ab Eóque vice mutuâ aliud acceptationis Instrumentum, cui hoc jnstrumentum verbotenus insertum est, recepimus, sed et de eorum tenore semper observando ac omnibus viribus propugnando Nos, ambóque Filii Nostri pro Nobis omnibúsque Posteris Nostris verbo Imperiali et Regio, juréque jurando corporaliter præstito fidem nostram quàm solenniβimè adstrinximus, nullo unquam tempore aut modo â Nobis aut aliis infringendam, omni quorumlibet qualicúnque contradictione, exceptione generali ac speciali, restitutione, dispensatione, et absolutione etiam Pontificiâ, aliísque beneficiis Legis seu consvetudinis aut hominis perpetim exclusis.
Actum præsentibus præcipuis Aulæ Nostræ Cæsareæ Proceribus aliísque consiliariis sanctioris nostri Consilii Statûs Viennæ die duodecimâ mensis Septembris, Anno â Partu Virgineo Millesimo septingentesimo tertio, Regnorum Nostrorum, Romani quadragesimo sexto, Hungarici quadragesimo Nono, Bohemici verò quadragesimo septimo.

       [7.]      ET NOS JOSEPHUS DEI gratiâ Romanorum ac Hungariæ, Dalmatiæ, Croatiæ, Sclavoniæ, etc.: Rex, Archi-Dux Austriæ, Dux Burgundiæ, Brabantiæ, Styriæ, Carinthiæ, Carnioliæ, Lucemburgi, ac Superioris et Inferioris Silesiæ, Wirtembergæ et Teckæ, Princeps Sueviæ, Marchio Sacri Romani Imperii, Burgoviæ, Moraviæ, Superioris et Lusatiæ, Comes Habspurgi, Tyrolis, Feretis, Kypurgi et Goritiæ, Landgravius Alsatiæ, Dominus Marchiæ Sclavonicæ, Portûs Naonis et Salinarum.

Testamur et profitemur, omnia superiùs descripta ab Augusto Domino et Parente nostro summè venerando Nobis maximè volentibus, aβentientibus et unâ cedentibus decreta, acta et cessa esse, aβentimur etiam et cedimus pro Nobis et Posteris Nostris omni meliori, quo fieri possit, modo, verbo æternæ veritatis et Regio, additóque corporali Sacramento promittentes, Nos omnia et singula exactiβimè servaturos, nec ijs unquàm contraventuros, aut alijs id permiβuros eβe, abolitis omnibus quibuslibet exceptionibus aut beneficiis contrariis undecúnque aut quomodocúnque provenientibus, etiamsi eorum jure vel consvetudine singularis mentio vel amplior renuntiatio fieri debuiβet.

 

Viennæ die et anno expressis.

Leopoldus.

Josephus.

       [8.]      Præsentes fuêre

                   [1.]       Eminentissimus et Celsissimus Princeps, Dominus Leopoldus Sacræ Romanæ Ecclesiæ Cardinalis â Kolloniz, Archi-Episcopus Strigoniensis et Coloczensis, Regni Hungariæ Primas.

                   [2.]       Reverendissimus ac Celsissimus Princeps Dominus Christianus Augustus Coadjutor Archi-Episcopatûs Strigoniensis, Episcopus Jaurinensis, Saxoniæ Dux.

Celsissimi,

                   [3.]       Dominus Ferdinandus Princeps â Schwarzenberg, Aulæ Augustæ Imperatricis Supremus Præfectus, aurei Velleris Eques.

                   [4.]       D. Theodorus Princeps â Salm, Aulæ Serenissimi Regis Romanorum Supremus Præfectus.

                   [5.]       D. Ferdinandus Princeps à Lobkowiz, Serenissimæ Romanorum Reginæ Supremus Aulæ Præfectus.

                   [6.]       D. Antonius Florianus Princeps à Liechtenstein, Aulæ Serenissimi Regis Hispaniarum Supremus Præfectus, aurei Velleris Eques.

                   [7.]       D. Eugenius Princeps Sabaudiæ et Pedemontium, Cæsarei Consilij bellici Præses, et Campi Mareschallus, aurei Velleris Eques.

Illustrissimi et Excellentissimi,

 

                   [8.]       D. Ferdinandus Bonaventura Comes ab Harrach Supremus Aulæ Cæsareæ Præfectus, aurei Velleris Eques.

                   [9.]       D. Wolffgangus Comes ab Ötting, Excelsi Consilij Imperialis Aulici Præses.

                 [10.]     D. Joannes Franciscus Comes à Wirben Sacræ Cæsareæ Majestatis, utì Regis Bohemiæ Supremus Cancellarius, aurei Velleris Eques.

                 [11.]     D. Joannes Henricus Princeps de Fundis, Comes à Mansfeld, Supremus Sacri Cubiculi Præpositus, aurei Velleris Eques.

                 [12.]     D. Dominicus Andreas Comes à Kauniz Sacri Romani Imperij Pro-Cancellarius, aurei Velleris Eques.

                 [13.]     D. Wenceslaus Norbertus Octavius Comes Kinsky Sacræ Cæsareæ Majestatis in Regno Bohemiæ Supremus Camerarius et Aulæ Regiæ Præfectus.

                 [14.]      D. Georgius Adamus Comes de Martiniz, Supremus Aulæ Cæsareæ Mareschallus, aurei Velleris Eques.

                 [15.]     D. Otto Ehrenricus Comes ab Abensperg et Traun, Statuum jnferioris Austriæ Mareschallus, aurei Velleris Eques.

                 [16.]     D. Gotthardus Henricus Comes à Sallaburg.

                 [17.]     D. Wenceslaus Adalbertus Comes à Sternberg, Sacræ Cæsareæ Majestatis in Regno Bohemiæ Supremus Judex, et Aulæ Regiæ Mareschallus.

                 [18.]     D. Carolus Maximilianus Comes de Turri et Valsassina Sacræ Cæsareæ Majestatis in Marchionatu Moraviæ Locumtenens.

                 [19.]     D. Julius Fridericus Comes Bucelleni Aulæ Cæsareæ Cancellarius.

                 [20.]     D. Hermanus Jacobus Comes de Tschernin Supremus in Regno Bohemiæ Præfectus.

                 [21.]     D. Philippus Sigismundus Comes à Dietrichstein Supremus Cæsarei Stabuli Præfectus, aurei Velleris Eques.

                 [22.]     D. Ferdinandus Marchio degli Obizzi, Cæsareus Campi Mareschallus et Præsidij Viennensis Præfectus.

                 [23.]     D. Joannes Volckardus Comes à Conzin, Supremus Aulæ Serenissimæ Dominæ Archi-Ducissæ Elisabethæ Præfectus.

                 [24.]     D. Leopoldus Donatus Comes à Trautson, Supremus Serenissimi Romanorum Regis Cubiculi Præpositus.

                 [25.]     D. Albertus de Longueval, Comes de Bouquoŷ. Ordinis de Calatrava Eques.

                 [26.]     D. Norbertus Leopoldus Liebsteinsky Comes à Kollowrath.

                 [27.]     D. Aloysius Thomas Raymundus Comes ab Harrach Supremus Cæs. Protectorum pedestrium Præfectus.

                 [28.]     D. Jacobus Comes ab Hamilton Sac. Cæs. Maiestatis in Marchionatu Burgoviæ Nomarcha.

                 [29.]     D. Carolus Josephus Comes à Paar, Supremus in Regnis, et Provincijs hæreditarijs cursûs publici Præfectus.

                 [30.]     D. Nicolaus Comes de Palffy Cæs. protectorum equestrium Præfectus, Generalis Campi Mareschallatûs Locumtenens.

                 [31.]     D. Ferdinandus Gobertus Comes de Aspermont, Generalis Campi Mareschallatûs Locumtenens.

                 [32.]     D. Gundakerus Thomas Comes de Stahrnberg, Cameræ Aulicæ Cæsareæ Præses.

                 [33.]     D. Hugo Franciscus Comes à Königsegg, Epicopatûs Leutomericensis Coadjutor, Metropolitanæ Ecclesiæ Coloniensis Canonicus.

                 [34.]     D. Joannes Fridericus Liber Baro à Seilern, et

                 [35.]     D. Franciseus Moles, Dux de Pereti:

omnes Sacræ Cæsareæ Majestatis Consiliarij Statûs.

In fidem veritatis nomen meum subscripsi, ac Sigillum meum apposui Sacræ Cæsareæ Majestatis Consiliarius Aulicus, Secretarius Statûs et Referendarius, atquè Authoritate Cæsareâ et Archiducali creatus Notarius Publicus, qui hæc omnia fieri præsens audivi et vidi Ego.

Joannes Ignatius Albrecht ab Albrechtsburg.

 

(2 König Karls III. öffentliche Annahmeerklärung)

Nos CAROLUS TERTIUS Dei Gratiâ Rex Castellæ, Legionis, Arragoniæ, Utriusque Siciliæ, Hierosolymorum, Navarræ, Granatæ, Toleti, Valenciæ, Gallæciæ, Majoricæ, Minoricæ, Seviliæ, Sardiniæ, Cordubæ, Corsicæ, Murciæ, Giennæ, Algarbiæ, Algeziræ, Gadium, Insularum Canariarum, Indiarum Orientalium et Occidentalium, Insularúmque et Terræ firmæ Maris Oceani, Archi-Dux Austriæ, Dux Burgundiæ, Brabantiæ, Mediolani, Athenarum et Neopatriæ, Comes Habspurgi, Flandriæ, Tyrolis, et Barcinonis, Cantabriæ, et Molinæ Dominus.

       [1.]      Notum facimus Omnibus præsentibus et futuris:

Cum Serenissimus Potentissimus et jnvictissimus Princeps Dominus LEOPOLDUS Romanorum Jmperator semper Augustus, Dominus et Parens Noster amantissimus et summâ veneratione colendus unâ cum Serenissimo Principe Domino Josepho Romanorum et Hungariæ Rege, fratre Nostro charissimo, pro Eorum benignâ et benevolâ in Nos propensione hæreditario Jure Sibi delatam morte Serenissimi qvondam et Potentissimi Domini CAROLI SECUNDI Hispaniarum et Indiarum Regis pientissimæ recordationis Hispanicam Monarchiam, simulquè Belgium Catholicum, antiqvum inclitæ Domûs Nostræ patrimonium in Nos transtulerit, prout seqvitur :

 

       [2.]       (Nun ist die voranstehende Zessionsurkunde 1 einschließlich der beiden Unterschriften - ohne die Zeugenreihe - inseriert.)

       [3.]      Nos cùm cessionem ipsam tùm additas conditiones gratissimo animo acceptasse, sicut hiscè acceptamus, pro Nobis et omnibus posteris Nostris Regio verbo promittentes et tactis Sacro sanctis Scripturis jurantes, Nos et ipsos omnia et singula accuratissimè custodituros et optimâ fide impleturos, illis nunqvam contra ituros, aut ut ab alijs contraeatur passuros, et si qvæ ulterior aut iterata vel sæpiùs repetita, licet non necessaria confirmatio á Nobis posterisvè Nostris quibuscunquè Nostrisquè Regnis et provincijs qvandocunque postuletur, eam quoquè daturos et ut qvàm solennissime expediatur, curaturos esse omni qvalicunquè tergiversatione, generali vel speciali exceptione, restitutione et absolutione cuiusvis Ecclesiasticæ aut secularis potestatis etiam Pontificiæ, alijsquè beneficijs contrarijs qvibuscunquè perpetuò exclusis. Jta Nobis posterisquè Nostris Summa Divinitas semper propitia sit, uti cupimus, felicissimis et florentibus Regnis et Provincijs à Serenissimis Parente et Fratre Nobis eâ fiduciâ ultrò concessis.

       [4.]      Actum præsentibus præcipuis Cæsareæ aulæ proceribus, alijsquè Suæ Majestatis Consiliarijs Sanctioris Consilij Statûs, Viennæ die duodecimâ mensis Septembris Anno à nativitate Christi Domini et Salvatoris Nostri supra millesimum septingentesimo tertio, Regnorum Nostrorum primo.

Carolus.

Præsentes fuêre

(Nun folgt die Zeugenreihe und die notarielle Beurkundung bis „Albrechtsburg“ wörtlich wie oben am Schluss der Urkunde 1, [S. 24, Zeile 19, bis S.26, Zeile 44.])

 

 

(3 Der geheime „Familienvertrag“)

Nos LEOPOLDUS . . . . . .,

Manifestum facimus, et ad futuram memoriam testamur,

       [1.]      transferentibus Nobis hodiè unâ cum Dilectissimo Filio Nostro Primogenito Serenissimo Rege Romanorum et Hungariæ Josepho in alterum Filium Nostrum Charissimum Serenissimum Archiducem nunc Regem Hispaniarum et Indiarum Carolum tertium Monarchiam Hispanicam morte Serenissimi quondam et Potentissimi Caroli Secundi Hispaniarum Regis pientissimæ recordationis ad Nos devolutam, nihil magis in votis esse, quàm vt totius Christiani Orbis bono constans inter omnes Posteros Nostros vtriusque Lineæ ex ambobus Filijs Nostris prodituræ Concordia nullis controversiarum aut Dissensionum turbinibus convellenda perpetuò conservetur, Nosque saluberrimo huic Scopo obtinendo in primis necessarium duxisse,
quæ Nostra omnium circa mutuæ Successionis Ordinem mens Semper fuerit et adhuc sit, apertiùs edicere et ad eam jugiter Sequendam Nos Nostramquè Sobolem quàm firmissimè obstringere.

       [2.]      Id verò acturi non iam vsitatum hactenus in Hispania Successionis modum jmmutabimus, sed eius potiùs jmmutationem ex spontanea Cessione Hispanicæ Monarchiæ iuxta huius leges post Nos Filio Nostro primogenito Serenissimo Regi Romanorum Josepho ipsiusquè Posteris ante alterum Filium Nostrum Serenissimum Regem Carolum illiusquè Posteros debitæ resultantem aliquatenus restringemus, remquè adeò universam ita ordinabimus, vt et communibus Europæ votis Satisfaciamus, et per æqualem vtrinquè Successionem Filij Nostri primogeniti progeniem ad promptius obsequium faciliùs permoveamus, ac proinde vtramquè lineam arctiùs vniamus, maximam deniquè ansam, seu occasionem Similium, quibus orbis pænè vniversus et olim Sæpè agitatus fuit et nunc concutitur, malorum rursum concitandorum, quantum in Nobis est, radicitùs præcidamus.

       [3.]      Declaramus igitur Secundùm initam ante Hispanicæ Monarchiæ Cessionem et in ipsa Cessione vtì primariam conditionem repetitam Conventionem, statuimus, atquè ambobus Serenissimis Filijs Nostris iterùm volentibus, adsentientibus et acceptantibus hanc Deo prosperante in omne ævum valituram legem dictamus, vt in Hispanicæ Ditionis Regnis et Provincijs æquè ac in alijs nostris Regnis et Provincijs hæreditarijs Successio marium sangvinis nostri per lineam masculinam ex legitimo Matrimonio progenitorum, non legitimatorum, omnibus fœminis earumquè descendentibus maribus et fœminis, cuiuslibet lineæ sint aut gradûs, æternùm præferatur, atquè inter Successuros Primogenituræ Ratio perpetim observetur, initio sic Succedendi in Ditionibus penes Filium Nostrum primogenitum Regem Josephum permanentibus ab Illius Filijs maribus, in ijs verò, quæ Secundogenito Nostro Regi Carolo tertio cessæ sunt, ab huius prole mascula capiendo, eodemquè ordine, donec per Dej gratiam vtrinque mares per lineam masculinam ex legitimo matrimonio prognati extabunt, in ambabus Lineis continuando.

       [4.]      Si verò, quod Deus avertat, aut Filius noster Charissimus Rex Carolus Tertius sine liberis masculis ex legitimo matrimonio procreatis decessurus esset, aut horum Posteri masculi legitimi per Lineam masculinam descendentes, sivè Superstitibus descendentibus fœminis earumve liberis maribus et fœminis, Sive ijs deficientibus quandocunquè extinguerentur, tum tota Monarchia Hispanica, omniaque illi Connexa seu Subiecta Regna et Provinciæ ad Nos Filiumquè Nostrum primogenitum, eiusve Superstites Liberos et descendentes legitimos, non legitimatos, iuxta receptum et nunc denuò Stabilitum in Domo Nostra Augusta Succedendi Ordinem protinus revertantur, ita tamen, vt si legitimas Fœminas ex Filio Nostro Rege Carolo Tertio eiusve Descendentibus legitimis Superesse contingeret, ijs debito modo prospiciatur, prout in Domo Nostra hactenus moris fuit, integro etiam illis jure, quod deficientibus nostræ Stirpis maribus legitimis, et quæ eas vbivis Semper præcedunt, Primogeniti Nostri Fœminis, iuxta Primogenituræ ordinem quandocunquè competere poterit.

       [5.]      Sin contra accideret, quod divina bonitas pariter prohibeat, vt Filius Noster primogenitus Rex Romanorum Josephus sine liberis masculis ex legitimo matrimonio genitis fato fungeretur, vel in Illius Posteris per Lineam masculinam descendentes mares legitimi deficerent, tunc Filius Noster Rex Carolus, aut qui tum Supererunt ex eo per Lineam masculinam prognati legitimi mares, non legitimati, iuxta ordinem Primogenituræ in omnibus quoque Nostris alijs Regnis et provincijs hæreditarijs eo usque â Filio Nostro primogenito Eiusve posteris Maribus legitimis possessis Succedent, et ratione Fœminarum Superstitum id observandum erit, quod in proximo casu constitutum est, harum omnium et procedentium ex ijs marium vtriusque Stirpis Successione in cunctis Nostris Posterorumque Nostorum Regnis, Provincijs et Ditionibus quibuscunque post omnes vtrinque mares per Lineam masculinam descendentes legitimos, quolibet gradu Sint, aut cuiuscunque Lineæ, semper rejectâ.

       [6.]      Interea verò nec ipse Filius Noster Rex Carolus nec Illius Liberi aut Posteri qualescunque sive appanagij vel alimentorum, sive quovis alio nomine seu prætextu quicquam aliud sive â Nobis, sive â Filio Nostro primogenito Eiusve posteris petere vel prætendere poterunt aut debebunt, sed amplissimâ Monarchiæ Hispanicæ Cessione et translatione contenti sint, et tam Ille, quàm qui Illi Successuri sunt Reges Filijs et Fratribus Filiabusquè et Sororibus suis ipsi provideant: Idemque de Filio Nostro Rege Josepho eiusque Posteris ratione Monarchiæ Hispanicæ cessæ dictum intelligetur,

       [7.]      Salvo vbivis Sacri Romani Imperij Romanorumque Imperatorum et Regum in eas, quæ ab Imperio Dependent, Provincias, Ditiones et loca notorio Jure.

       [8.]      Per hoc autem nulli alij Conventioni, Dispositioni, Legi aut Consuetudini inclytæ Domûs Nostræ, eique Subditorum Regnorum vel Provinciarum, dummodò hodiernæ Nostræ Cessioni seu translationi eiusquè, quas posuimus, perpetuis et necessarijs Conditionibus non adversentur, atque propterea eâtenus abolitæ sint, ullatenus derogatum esto, sed in alijs Capitibus eiusmodi Conventiones, Dispositiones, Leges et Consuetudines plenum et perfectum Suum robur omninò retinento.

       [9.]      In horum omnium evidentiorem fidem et validitatem Nos unâ cum Serenissimo Romanorum Rege Josepho præsentes hasce paginas simul cum Cessionis Instrumento velut eius principem partem Manibus Nostris Subscriptas Sigillis Nostris, verboque Imperiali et Regio, ac jurejurando Corporaliter præstito, pro Nobis omnibusque Posteris Nostris firmavimus, atque Charissimo Filio Nostro Serenissimo Regi Carolo tertio Hispaniarum, recepto ab eo vicissim alio acceptationis Instrumento, cui hæ quoque tabulæ insertæ sunt, tradidimus vtrinque æternis temporibus observandas, non obstantibus, sed abrogatis et prohibitis omnibus oppositionibus, exceptionibus et beneficijs contrarijs Pontificijs, Imperialibus, Regijs, Provincialibus et legitimis quibuscunque vbicunque et quomodocunque nunc competentibus aut imposterum emergentibus vel quandocunque movendis seu allegandis.

Actum præsentibus præcipuis Aulæ Nostræ Cæsareæ Proceribus alijsque Consiliarijs Sanctioris Nostri consilij Statûs Viennæ Die duodecimâ Mensis Septembris Anno â Nativitate Dominica Supra Millesimum Septingentesimo tertio, Regnorum Nostrorum Romani Quadragesimo Sexto, Hungarici Quadragesimo nono, Bohemici verò Quadragesimo Septimo.

     [10.]    Et Nos JOSEPHUS . . .

Profitemur omnia, quæ isthoc Jnstrumento continentur, ab Augusto Imperatore Domino et Parente Nostro benignissimo pro Summa Sua Prudentia et paterno in gentem Suam amore Nobis Nostróque Fratre charissimo Serenissimo Rege Carolo Hispaniarum convenientibus, enixeque rogantibus et lubentissimè acquiescentibus disposita esse, ad ea etiam exequenda et propugnanda Nos Posterosque Nostros verbo Regio jureque jurando corporali et omni firmiori, quo fieri queat, ratione devincimus, adiunctâ seu repetitâ plenissimâ Renuntiatione et abolitione omnium jurium et effugiorum Contrariorum Supra descriptâ vel alias necessariâ; Testimonio harum literarum â Nobis Subscriptarum et Sigillo Nostro munitarum loco, Die et Anno commemoratis.

Leopoldus.

Josephus.

(An dicker goldener Schnur hängende Holzbullen mit Siegeln wie bei  Urkunde 1.)

     [11.]    Præsentes fuêre Celsissimi, . . . . .(es folgen elf Namen und Titel wie in Urkunde 1 an 3., 4., 6., 8., 9., 10., 11., 12., 19., 34. und 35. Stelle genannt, mit zwei Abweichungen bei den Zeugen 4 und 11)

Omnes Sacræ Cæsareæ Majestatis Consiliarij Statûs.

In fidem Veritatis Nomen meum Subscripsi, ac Sigillum meum apposui, Sacræ Cæsareæ Majestatis Consiliarius Aulicus, Secretarius Statûs et Referendarius, atque Authoritate Cæsareâ et Archi-ducali creatus Notarius Publicus, qui omnia hæc fieri præsens Audivi et Vidi ego.

 

Joannes Ignatius Albrecht ab Albrechtsburg.

 

 

(4 Geheime Annahmeerklärung Karls)

Nos CAROLUS TERTIUS DEI Gratiâ . . . .

       [1.]      Notum Facimus omnibus præsentibus et futuris. Cùm . . . . LEOPOLDUS . . . .

(Das Vorangehende und das Folgende analog dem Abs. 1 der öffentlichen Urkunde 2, [oben S. 27, Z. 16 ff.])

Hispanicam Monarchiam, simúlque Belgium Catholicum, antiquum inclytæ Domûs Nostræ patrimonium in Nos transtulerit, tenore, modo et Conditionibus sequentibus.

       [2.]      (Hier ist nun Leopolds und Josephs öffentliche Zessionsurkunde 1 wörtlich inseriert mit folgenden Schlussworten: „Leopoldus mppria L. S. P. Josephus mppria L. S. P.“ Ohne jede Zwischenbemerkung ist hierauf wörtlich inseriert die geheime Urkunde 3 (als eigene conditio der Zession). Die Inserierung beginnt mit: „Nos Leopoldus . . .“ und endet so: „Leopoldus mppria L. S. P. Josephus mppria L. S. P.“)

       [3.]      Nos eùm ceβionem ipsam tum additas conditiones . . .

Carolus.

Præsentes fuere . . . . .